Өлеңдер ✍️

Жүректен шерлі сөз толғай,
Тірліктің болдық қонағы.
Бозкөлден ұшқан бозторғай
Боз белге қашан қонады?..
Бетеге басын жайлаушы ем,
Бақ-құс боп ата-мекенге.
Бозала таңда сайраушы ем,
Бозарған күйі кетем бе?..
Көктемі туса, көңілден,
Мөлдіреп шықтай жыр тамар.
киюы қашқан өмірден
Шайыр боп опа кім табар?..
Арғымақ таңдап кермеден,
Алшаңдап жүрсем бақ, сәнім.
...Алыстай көрме, сен, менен
Арманым болған ақ сағым