Өлеңдер ✍️

Шатылған кезде шудадай шырғалаңға мол,
Жүректі жаншыр жылдардың
ауыр сындары.
Алқаракөкті аңсаған жырға қалам бол
Қаңқылдап қайтқан қаздардың
қауырсындары.
«Көгілдір әлем көлбеген көз алдым кілең»,
Көнерсе өлең,
Кезі бұл өзгерер ердің.
Бозкөлге барып бозбелде бозардым білем
Бозторғай ұшпай басынан бозкөделердің.
Сауырға қамшы салдырмас сынағы келсе,
Күдері жалды жылқының, қазанаты бар.
Әулеттен әруақ қашарын шырағы сөнсе
Ер жігіттің де ішінде азаматы ұғар.
— Тағдырым ғажап,— демеймін жыр-ғұмыр берген,
Қасқайып шыққан шынар бар басында шыңның.
Тербеліп тұрып табыстым мұңды күндермен
Тарпаң мінезін көрдім де тасыр ғасырдың.
Емен де жарқын таңдарға еркелеп пе едім,
Көліне қаракөзімнің тұна ма үміт?!
Epeyіл атқа ер салып ертелетпедім
Күлдір де күлдір кісінеген құлаға мініп...