Өлеңдер ✍️

Қаздар қайтып барады,
Күз далада,
Көңілімді қариды ызғар, аға.
Өткел берер өткен күн өкінішке —
Көктем келер ұқсайтын қыз балаға.
Сұрғылт аспан сұрланып сыздана ма?..
Қаздар қайтып барады
қаздар қайтып,
Сағыныштан сарғайған саздарды айтып.
Көшке жетім ілесіп не табамын —
Өшкен отым білмедім маздар қайтіп?
Қаздар қайтып барады
Қаздар қайтып...
Арай тілеп адамға
далаға жаз,
Ақ қанатын қағады сары ала қаз.
Ақ боранмен ақ таңның самалы араз.
Мамырлап бір қонарсың мамырыма —
Кездескенше күн жақсы, сары ала қаз!
Іздегенде мен сені
Лағыл айым,
Керуенімен күндердің ағылайын,
Жабырқайды жалаңаш кәрі қайың.
Сары майдай ерітті сағынышты —
Сары ала қаз,
Сары күз,
Сары уайым...