Өлеңдер ✍️

Үніңізді естіп дір еткен
Есімде сонау бала күн.
Тап-таза сәби жүрекпен
Шәкірт боп Сізге қаламын.
Тектілік тұнған жүзіңіз,
Қараумен келем таңырқап.
Белгі боп басқан ізіңіз,
Ұстазым дейді сан ұрпақ.
Құштар боп арман-өмірге
Ашқалы мектеп есігін,
Қаншама мөлдір көңілде
Жазылып қалды есімің.
Жалынба дейсіз жаманға,
Өзіңіз солай күн кешіп.
Өстік біз ермей наданға,
Өр мінез сізбен үндесіп.
Тақпастан орден темірден,
Әділет таппай жеңісін.
Орнымыз тапқан өмірден
Бәрінен биік мен үшін.