Өлеңдер ✍️
  16.05.2022
  250

Автор: Ақұштап Бақтыгереева‎

Жайыққа сыр

Ақ Жайық, алыста емес, іргедемін,
Өзіңмен ақ тілегім бірге менің.
Сенің де көңіліңде алаң көп-ау,
Үңілсем, жанарыңнан мұң көремін.
Жоқ сенде асау ағыс, адуынды ән,
Тұрасың мөлдір сезім, сағынудан.
Мен сенен шыдамдылық үйренем деп,
Жалықтым бас изеуден, бағынудан.
Жасық боп тудым деген ойға қалам,
Белімді кейде бекем байлап алам.
Кеудемде өзіңе іңкәр жалғыз жүрек,
Мен оны саған тастап қайда барам?!


  Жайық Ақұштап Бақтыгереева‎ Ақұштап Бақтыгереева‎ өлеңдері Сыр айту

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Ақ Жайық, бала күннен аңсарым ең... ᐈ
  Жайықта тағы жас көктем ᐈ
  Жайықта мұз ᐈ
  Айнам қалды ᐈ
  Тағы да махаббат туралы ᐈ

Пікір жазу