Өлеңдер ✍️
  16.05.2022
  219

Автор: Ақұштап Бақтыгереева‎

Сабыр, Жайық...

Сабыр, Жайық,
сәл кідір,
сабаңа түс,
Көрсеткенің жөн болмас далаңа күш.
Қамыстардан балапан өргізетін
Қапылыста ұясыз қала ма құс?
Сабыр, Жайық,
өшікпе қайраң құмға,
Ел ертеңін Ана боп ойландың ба?
Өзі кедей, жаны бай диқаныңның
Қуанышын үрейге айналдырма.
Сабыр, Жайық,
басыңнан не кешпедің?
Жараспайды өзіңе өрескел үн.
Өмір сыйлап, тірлікке нәр беруді
Тағдырдан таңдап алған емес пе едің?!


  Сабыр сақтау Жайық Ақұштап Бақтыгереева‎ Ақұштап Бақтыгереева‎ өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Жайығың тасып жатыр, Жұбан аға... ᐈ
  Мөлдірлікке, тазалыққа құмармын... ᐈ
  Ақ Жайық, тасы, төгіл, көңіл қалдыр... ᐈ
  Егер біздің қазақтың... ᐈ
  Сенің де көзің көгілдір... ᐈ

Пікір жазу