Өлеңдер ✍️

Бірімін, жақын, сендей бағы бардың,
Биыл мен де ауылға тағы бардым.
Сырдария, сəл-пəлдеу тозған тоғай,
Көкем, сосын білмеймін сағынар кім?
Келгенім жоқ сонан соң қайдағы елге,
Жусанның жұпары аңқып жайма белде, –
Шық қауып, ызға ысталып, тозаң басты,
Бетімді беріп тұрдым майда желге.
Су жеген жаға, əрі бүргенді құм,
Көңілім жаз күніндей түрленді мың.
Жүгірдім жар жағалап жалаңаяқ,
Алыс сал енді менен іргеңді мұң.
Бастымда тас қалалық желік демін,
Тып-тыныш табиғатқа еліктедім.
Қамалмай тар қапаста, ауылыма,
Тұрғаным қандай жақсы келіп менің.