Өлеңдер ✍️
  14.05.2022
  167

Автор: Құралай Омар

Миды жаншып, ой салмақтап еңсеге...

Миды жаншып, ой салмақтап еңсеге,
Күйкі өмірден көңіл кейде жығылып.
Күнді көрмей отырамыз кеңседе
Күнкөрістің қамы үшін тығылып.
Жіпсіз байлап, жібермейді тіршілік,
Тұтқынымын бостандық пен өзімнің.
Қарай берем құбылаға түршігіп,
Қадап қойып қарашығын көзімнің.
Сұп-сұр қала сұр тастарды төсеген.
Асығыстау жұрт тобына ерем де,
Кешке қарай ию-қию көшеден
Ұйқас іздеп келе жатам өлеңге.


  ми Миды жаншу ой Салмақтау еңсе Құралай Омар Құралай Омар өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Жолымды бөгеді, білмеймін, неше ырым? ᐈ
  Жалғыздық ᐈ
  Шамын жағып, жарқ-жұрқ етіп көзді алдайды Астанам. ᐈ
  Арман – теңiз, айдында жүздi кеме... ᐈ
  Өзiң болдың қалауым, таңдағаным... ᐈ

Пікір жазу