Өлеңдер ✍️

Қаңтардың ортасы ғой.
Көктем алыс.
Бұл қалай - қардың еріп, су болғаны?
Көп ойды қаумалаған шетке қағып
Өзімді қинап көрдімЖыр болмады.
Көшеде өтіп жатыр өмір сырғып,
Өлдің бе,
Тірілдің бе?- білмейді ешкім.
Асыққан әлдеқайда көңілсіз жұрт
Көктемгі Жайықтағы сеңдей көшті.
Тоң-торыс,
Өкпелеген бір-біріне
Адамы ұнамайды астананың.
Мұңайып пенделердің тірлігіне
Сүңгінің сақалынан жас тамады.
Тал-терек,
Ырғатылып тұрсың нағып,
Ерте әлі,
Қуанбай тұр ойы аз жанша.
Алданып, қойсаң бүгін бүршік жарып
Алдыңда қарып түсер аяз қанша...