Өлеңдер ✍️

Жақсы сөзін арнап жатыр жар маған,
Жар дегенім – жар ғана емес:
Бар ғалам.
Бүгін менің туған күнім,
Нешеге
Келгенімді айтуға да арланам.
Қыздың жолы секілденіп жіңішке,
Өмір таяп келе жатыр финишке.
Тұлпар едім – тұяғы жер тарпыған,
Тұғыр болдым,
Жарамайтын мініске.
Туған күнім...
Қатерлі күн бұл күн шын,
Демейді ешкім
топ жаратын дүлдүлсің.
Алғы сөзді жазған Мақсұт Бәйсейіт,
Соңғы сөзді кім жазарын кім білсін?
Ажал бір күн келіп қалса шақырмай
Ағайынға құным болмай бақырдай
Шығарып сап фоесінен Одақтың
Оразалин сөз сөйлер ме, апырмай?!