Өлеңдер ✍️

Кім жетіскен мес қарын бақырға еріп,
Алшаң басып қасыма жақын келіп:
– Сауалыма жауап бер, – деп шіренді, –
Жүрген жоқ па жұрт сені ақын көріп.
Шыбық мініп жетілген жетім неме,
Жел көтерген түңліктей желпілдеме.
Өрт сөндіріп жүрмісің,
Батар күндей
Нарттай жанып қызарған бетің неге?
– Қара түнді аққанда жұлдыз жарып,
Ой кешемін сарылып,
Күндіз арып.
Адам қолы жасаған сұмдықтардан
Ұялғаннан бұл бетім жүр қызарып.