Өлеңдер ✍️

(əнге арналған)
Атың қандай əдемі , Қызылжарым,
Айтқан сайын толқиды менің жаным.
Қадірлеуім өзіңді, қастерлеуім,
Қызылжар деп шырқатып салған əнім.
Қызылжарым, Қызылжарым,
Кеудемізде – қызу жалын.
Кім білмейді, кім сүймейді
Қызылжардың ұл-қыздарын.
Кімдер саған сүйсінбейді,
Айхай, шіркін, Қызылжарым!
Аймалайды, желпиді самалдарың,
Сықырлайды аяздан алаңдарың.
Шымырлығын көздейсің, іске мығым,
Адалдығын сүйесің адамдардың.
Қызылжарым, Қызылжарым,
Кеудемізде – қызу жалын.
Кім білмейді, кім сүймейді
Қызылжардың ұл-қыздарын.
Кімдер саған сүйсінбейді,
Айхай, шіркін, Қызылжарым!
Ағайынға күнкөріс – базарларың,
Қазағыңмен көркейіп, ажарландың.
 Жағасында Есілдің жарқырай бер,
Жасаңғырап, жаңғырып, Қызылжарым!