Әңгімелер ✍️

Бірде әкесі үйіне қонақ шақырғысы келіп баласына:

Алла елшісі (оған Алланың игілігі мен сәлемі болсын) "Тамағыңды ізгілер жесін"- деген.

Сондықтан мешітке барып, намазға жиналған тақуа кісілерді шақырып кел деп жібереді. Бала барып 3-4 адамды ғана шақырып келеді.

-Әкесі «Неге барлығын шақырып келмедің?» - дейді. - Сонда, бала: «Намаз оқуға келгендер осылар ғана» - деп жауап қатады.

- Неге, намазға адамдар бұдан әлдеқайда көп жиналған жоқ па?» - дейді әкесі.

- Сөйтсе, бала мешіттен шыққандардың бәрінен «фатихадан кейін қандай сүре оқыдыңыздар?» - деп сұрап шыққан екен.

Оны осы 3-4 адамнан басқа ешкім есіне түсіре алмапты. Қалған адамдардың барлығы Алла алдында емес басқа ойда тұрған болса керек.