Әңгімелер ✍️

Сәләфус салихиндердің әйелдерінің әдеті осындай еді. Кісі үйінен шығып бара жатқанда оған әйелі мен қызы:

– Харам табыстан сақ бол. Біз аштық пен жоқтыққа сабыр ете аламыз. Бірақ тозаққа сабыр ете алмаймыз, – деп ескертетін болған.

* * *

Бірде сәләфус салихиннен бір кісі сапарға жиналады. Көршілері оның бұл ұзақ сапарын ұнатпай, оның әйеліне:

– Күйеуіңнің ұзақ жолға шығуына неге разылық білдіріп жатырсың? Ол саған нәпақа да қалдырған жоқ, – деп үгіттейді. Сонда әйел:

– Мен үйленгелі оны ризық беруші емес, берілген ризықты жеуші ретінде көремін. Ризық беруші – Раббым. Жеуші кеткенімен Ризық беруші қалады ғой, – деген екен.