Әңгімелер ✍️

Бір жолаушы келе жатып бір үйге түседі. Әлгі үй иесі мақтаншақтау адам болса керек. Үйіне кіріп-шығып жүрген балаларына қайта-қайта қонақтың көзінше:

— Әлгі түйелерді жайғадыңдар ма? Тізедіңдер ма? — деп мазаларын ала беріпті. Сонда жаңағы қонып отырған қонақ үй иесі түйелі, бай адам екен деп ойлайды.

Содан түзге шыққанда қанша түйелері бар екен деп қараса, үйдің жанында сетік танау жалғыз інген ғана жатыр екен.