Әңгімелер ✍️

Арқада атақты Айдаш деген ұры өмір сүріпті. Жұртты қан қақсатып, шулатып жүрген Айдашты бірде бір ауылға мал ұрлауға келгенде ұстап алады. Ол уақытта түрме жоқ. Ауыл ақсақалдары кеңесе отырып, сол адамның аулынан іздеп келгенше киіз үйге қамап қояды екен. Айдашты да байлап қояды.

Байлап жатып ауыл ақсақалдары:

— Қай ауылдансың? Кім жіберген сені? Аты-жөнің кім? — деп сұрапты. Байлауда жатқан ұры сонда:

— Атым — Айдаш, байласаң байлашы, үйге де керегім шамалы, — депті қаперіне түк кірмей.