Өлеңдер ✍️

Дос іздедім, сабылып, Төлегендей,
Дос іздедім, қалың жұрт елегендей.
Дос іздедім, қуансам құшақ жайып,
Дос іздедім, сүрінсем, жебегендей.

Болса дедім, басыңды бағалайтын,
Тұнық көлге тас атпай, жағалайтын.
Құрақ-құрақ көңілді жамай білер,
Мансабыңа, даңқына, қарамайтын.

Дос іздедім « дос бол » деп жалынбайтын,
Ірілі-уақ күнәңмен қабылдайтын.
Дос іздедім жаһанда жаны қайсар,
Сөндірем деген сайын, жалындайтын!
Біреулердің кеткенде көңілі ұзап,
Достық жолын ете гөр, тәңірі ұзақ.
Күйдірмейтін, жалынсыз сүйдірмейтін,
Махаббаттан достықтың өмірі ұзақ !