Өлеңдер ✍️

Бүгін менің туған күнім, күн қандай?!
Бүкіл әлем шуақ шашып тұрғандай...
Күн күлімдеп, ыстық нұрын төгеді,
Ықыласын мына маған бұрғандай...

Көңілімді шаттық үні тербейді,
Әсем әуен жан дүниемді емдейді...
Қайғы менен мұңдар үнсіз жоқ болып,
Амалсыздан алыстан қол сермейді...

Қуаныш пен шаттық үні алаулап,
Жүрегімді нұрландырып арай бақ...
Жарқырайды жүректе сенім жұлдыздай,
Барша адамға сұлулана қарайлап...

Бақыт құсы-маған кеп үн қатқандай,
Жан дүниемді жылытып, от жаққандай...
Қиындықты жеңу үшін қасқая,
Раббым Алла қуат беріп жатқандай...

Би билейік, қуаныштан арылмай,
Бұл өмірдің қиынына бағынбай...
Жадырасын жаздай көңіл нұрлана,
Тау суындай, мөлдір бұлақ ағындай...

Шүкір Алла, осы күнге жеткіздің,
Бүгін тағы бір жас қосып, еккіздің...
Жеткенде бар, жетпеген бар бұл күнге,
Адастырма, жалғасынан текті іздің...
               Жібек Искакова