Өлеңдер ✍️
  30.05.2021
  287

Автор: Қадыр Мырза Әли

Оңашада әлдилеп ойдың гүлін

Оңашада әлдилеп ойдың гүлін,
Тыныштыққа армансыз тойдым бүгін:
Үзіліссіз сөйлейтін радио,
Оның өзін өшіріп қойдым, күнім!
Сәтті кездер сары үрпек балапан ба?
Солар қазір аялы алақанда.
Тоңған күшік секілді бүктетіліп,
Тіл қатпайды сөзуар телефон да!
Мұндай сәттер түсе ме қолға тағы?
Беймаза кез,
Жаныма сол батады...
Дулы өмірге жерік боп,
Өнер-ана
Шулы өмірден аулақта толғатады.


  өмір ой тыныштық Қадыр Мырза Әли Қадыр Мырза Әли шығармашылығы Қадыр Мырза Әли өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Сезімнің жапырақтай семді гүлі ᐈ
  Тұрған кезде далам аман ᐈ
  Қиянатқа ᐈ
  Өнердегі бала дарын ᐈ
  Қариялар кеміп қалған сияқты ᐈ

Пікір жазу