Өлеңдер ✍️
  21.05.2021
  267

Автор: Қадыр Мырза Әли

Орман

Әлділері қорғанбай,
Әлсіздері ышқынған.
Тоғай түгел тұрғандай
Қуғыншы мен қашқыннан.
Жөні бөлек әр аңның
Ырылдасқан, таласқан.
Ортасында орманның
Алақандай көк аспан.
Жазғы таңы бозала —
Шыбын жанның дауасы.
Қос өкпеңді тазалап
Береді саф ауасы.
Аралап Күн әлемді,
Тек төбеңнен төнеді.
Тапталмаған кілем-мүк
Табаныңды емеді...


  орман тоғай аң Қадыр Мырза Әли Қадыр Мырза Әли шығармашылығы Қадыр Мырза Әли өлеңдері

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

  Аптап ᐈ
  Құм ᐈ
  Құйын ᐈ
  Шөлдегі жаңбыр ᐈ
  Түн ᐈ

Пікір жазу