Өлеңдер ✍️

Ағатайым асқар тауым,

Арқа сүйер ақылшым.

Тұла бойға қуат болып,

Өміріме шуақ шаштың.

          Аға болып еркелеттің,

          Іні-қарындас, бауырды.

          Ілтипаттық танытып даналықпен,

          Демеп жүрдің әр кезде де.

Атыңды сенің ардақтап,

Жүреміз әр кез мадақтап.

Мерейтойың құтты болсын,

Алпыс жасқа толғаның.

          Араласып алыс пенен жақынмен,

          Туысқан мен бауырмен.

          Қалдырмадың көңілін,

          Дос-жораның.

Қыран құстай биіктерге самғадың,

Биіктіктен көрегендік танытып.

Бұл күндері қанша жерден бүркіт болып ұшсан да,

Бар марапат көлде отырған шүрегейден аспаған.

            Сыйластың сен ел қадірлей білетін ардағымен,

            Бетке ұстар саңлағымен.

            Шынғыс аға Айтматов, Рустам аға Рахманалиев,

            Құшақ ашып қауышқандар, пікіріңмен санасқандар.

Аға десе, көз алдыма,

Асқар таулар елестейді.

Сол таулардың, ешбіреуі,

Бір өзіне теңеспейді.

           Теңесетін ешбір жан жоқ,

           Өйткені сен ерекшесің.

           Ақкөңілді мінезің бар,

           Пейілің де дархан дала секілді.

Әр күлгенің бізге бақыт саналар.

Гүлдей жайна,

Күлкі ойнап жүзіңнен,

Бақытты бол, құдай қосқан жарыңмен.

          Аққу құстың төресіндей,

          Сұлулықтын белгісіндей.

          Махаббаттың айдынында,

          Қос аққу боп жүзе берші.

Өмірдің бар қызығы бала деген,

Ер жетіп қуанышқа бөлей берсін.

Өсіп-өніп тамыр жайып бәйтеректей әулетің,

Бақыт қонып, таси берсін дәулетің!