Өлеңдер ✍️

Мен сені білемін ғой, жайдарысың,
Жайдары шат көңілің қайда құсым.
Кінәсіз қанатыңды байламашы
Кінәлі мына менің пайдам үшін.

Бұлқынып айтылмаған сырың іште,
Бір күні айналады ұлы күшке.
Арам ойы болмаған ақ періштем
Алданып қалмаса екен Ібіліске.

Сен мені ойлайсың ғой түсінемін,
Кіріп те жүрмін бәлкім түсіңе мың.
Әйтеуір өзің менің жүрегімде
Жатталып қалған жалғыз мүсін едің.

Мүсін едің ақылды ажарынан,
Дүниенің бұйырған базарынан.
Қолыңнан келсе мені құтқарып ал
Жаным-ау, жалғыздықтың азабынан.

Мен сені білемін ғой, білемін ғой...