Өлеңдер ✍️

Жек көремін-

Жеткізбеген анама күре жолды.

Бақұлдаса алмадым, жүрек тоңды,

Разылығын бермек боп көп күтіпті,

Маған арман-айтылмаған тілек соңғы.

Жек көремін-

Сүріндірген сол кезгі  уақытты да,

Қуаныш пен ендігі бақытты да.

Анам мені келеді деп,жан беріпті,

Ұзақ қарап есікке жатыпты да.

Жек көремін-

Қоштасқанды, шығарып салғанды да,

Жақыныңнан айырған жалғанды да,

Уақытылы  жетем деп жете алмай,

Ең соңынан кешігіп барғанды да.

Жек көремін-

Мұндай қайғы тағдырым жазар ма еді?!

Кешікпеймін, кешіргей анам мені.

Шығарып та салмаймын туғанымды,

Қоштаспаймын ешкіммен содан бері.