Өлеңдер ✍️

Мама,

Мен бүгін тағы да жылап қалдым,

Тізесі  батып болмашы сынақтардың.

Сенің жылы құшағыңа тығылып,

Еркелегім келеді,сыр ақтарғым.

Мама,

Саған деген сағыныш басылмады,

Көңілімнің аспаны ашылмады.

Сен екен деп қаламын ана көрсем,

Ыстық тартып жаулығы басындағы.

Мама,

Жүргеніңді сеземін жебеп мені,

Жаратқан сенен ерте бөлектеді.

Анасына ұмсынған бала көрсем,

Жаным жылап, жүрегім өбектеді.

Мама,

Қабіріңе осылай сыр ақтарам,

Қадіріңе жетпедім ұят маған.

Ана жайлы естісем мұңды әуен,

Жанарыма жас толып жылап қалам.