Нақыл сөздер ✍️

Аналардың гүл бағы — балалары,
Балалардың тыңдары — аналары.

***

Анаң барда бақыттысың мың есе,
Жалықпағын, кітап оқы, біл десе.
Саған әркез тілеулес боп жүретін,
Анаңменен іс жасағын бірлесе...

***

Әке деген — асқар тауың, заңғарың,
Әкең барда арайлы атар таңдарың!

***

Бауырларың бақытың,
Саған арнар уақытын.

***

Балаң болсын — елім дер,
Сүйем туған жерім дер...

***

Туған жерің тұрағың,
Ата-анаң — жұмағың!

***

Әкесі бар жан — тірегі бар жан,
Анасы бар жан — тілегі бар жан.

***

Ата-анаң байлығың,
Жарқырайтын ай, күнің!

***

Ата-анаң барында бақыттысың,
Бағалай біл бір жүрген уақытты шын.