Өлеңдер ✍️

Бала деген —жанымыздың бөлшегі,
Бақытымыз, бағымыздың өлшемі.
Базарымыз бағасы жоқ, бағалы,
Ертеңіміз биік ұстар еңсені...
Бала деген — көктеміміз жайқалар,
Олар барда жазымыз да байқалар.
Тәрбиелі болып өссе аман боп,
Алаңдаған жанымыз да жай табар...
Бала деген — бұлағымыз мөп-мөлдір,
Жарық берер шырағымыз төккен нұр.
Мейіріммен жылу беріп өсірсек,
Жемісін де сезінеміз еккен бұл..
Бала деген — біздің заңғар шыңымыз,
Баламенен арта түсер құнымыз.
Жұлдызымыз жарқырайтын жанатын,
Құндызымыз ұлымыз бен қызымыз!
Бала деген — бұл өмірдің зор мәні,
Отбасының ертеңі мен қорғаны.
Ата-ананың қуанышы, бақыты,
Баласының амандықта болғаны....