Шығармалар ✍️

Арыс қаласы жайлы толық мәліметтерді білгеніміз өзімізге жақсы дер едім. Өзіміздің өсіп келе жатқан өскелең ұрпағымыз осы мәліметтерге қанық болып өссе нұр үстіне нұр емес пе?! Ендеше тарих беттеріне назар салсақ:
Арыс қаласының 1905 жылы теміржол құрылысы басталып, 1907 жылы Арыс станциясы салынады. Ал, 1928 жыл 17 қаңтарда Арыс ауданы құрылады. 1932 жыл 11 наурызда Арысқа «Жұмысшы поселкісі» мәртебесі беріледі. Ал 1956 жыл 31 шілдеде Арыс аудандық бағыныстағы қала мәртебесіне ие болды. 1965 жыл 10 желтоқсанда Қазақ КСР-нің Жоғарғы Кеңес Президиумының Жарлығымен Арыс қаласы Бөген ауданы Шымкент облысының облыстық бағыныстағы қала болып атанды; 1988 жыл 25 шілдеде Қазақ КСР-нің Жоғарғы Кеңес Президиумының Жарлығымен Арыс қаласы мен Бөген ауданы біріктіріліп, орталығы Арыс қаласы болды;
1989 жыл 13 қарашада Қазақ КСР-нің Жоғарғы Кеңес Президиумының Жарлығымен Бөген ауданындағы Монтайтас ауылдық кеңесі мен Чардара ауданының Тахыркөл ауылдық кеңесі Арыс қаласына өтті;
1992 жылы Арыс қаласы ауылдық аймақтары бар қала болып кұрылып, қаланы басқару Арыс қаласының әкіміне өтеді.
Міне, осындай сандық тарихы бар Арыс қаласының құрылымы осындай көрсеткішке ие. Халқының саны 2023 халық санағына сәйкес 51997 адамды құрайды. Ынтымағы мен бірлігі жарасқан Арыс қаласының тұрғындары өзара тату, сыйластығы жоғары, еңбек жолдарында жақсы үйлесімділік бар қала дей аламыз.