file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  Өлеңдер ✍️

  20.03.2024
  406


Автор: Серікбол Валихан

Сен үшін де сағындым

 


Кетпей қойды бір сағыныш санамнан,
Жүрегім ай,
Жүрегім ай жамалған.
Ештеңе де өзгерген жоқ қалпында,
Сол сағыныш сол арманым сол арман.


Көңілсіз боп келеді осы күз неге?,
Жылымады,
Жылуы жоқ мұз дене,
Мен көктемді енді асығып күтпеймін,
Өкпем де жоқ бірақ мына күзге де.


Кімге жәйлі күңіренген күз бағы,
Анау тоңды,
Мынау мұңнан мұздады.
Аяқ асты құлап кетсем қайтемін,
Қуықтай тас секілденіп құздағы.


Жәйі бөлек мұңға толы жанымның,
Келмей де тұр,
Тағдырға да бағынғым.
Мен өткенді сен үшін де жек көріп,
Сен үшін де сағындым.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу