Өлеңдер ✍️
Өлеңдер ✍️
20.03.2024
179

Өкініп өмір сүрмеңіз
Сүйгенің қолын созбаған кезде,
Тұлпарың топтан озбаған кезде.
Тарылып кеудең тоз-тозы шығып,
Қу жүрек құрысып, сыздаған кезде.
Өкініп өмір сүрмеңіз!
Жақының құшақ жаймаған кезде,
Қаныңыз бойда қайнаған кезде.
Дос болып күліп бетіңе қарап,
Сыртыңнан жауға айналған кезде.
Жек көріп өмір сүрмеңіз!
Басыңа дәулет орнаған кезде,
Кетеді оңай байлық та лезде.
Санаңды соқыр менмендік билеп,
Көзіңді тұман торлаған кезде.
Тәубесіз өмір сүрмеңіз!
Үміттің шамы сөнердей болса,
Қарайып жүрек өлердей болса.
Қарамай кеткен бақытың кейде,
Бұрылып қайта келердей болса.
Құдайдан үміт үзбеңіз!
Серікбол Валихан
Әлеуметтік желілерде бөлісіңіз:
Facebook | VK | WhatsApp | Telegram | Twitter
Қарап көріңіз 👇