Тақпақтар ✍️

Көңілде көп мамандық,
Ұраным тек адалдық.
Кім боламын өскенде,
Басу үшін қадам нық!

Үйрететін ілімді,
Сусын етер білімді.
Мен мұғалім боламын,
Балаға арнар күнімді.

Науқастарға ем берер,
Жылы сөзбен дем берер.
Мен дәрігер боламын,
Адамдарды тең көрер...

Заңды белден баспайтын,
Ақиқатты растайтын.
Заңгер болам өскенде,
Әділдікті жақтайтын.

Жарыстарда жеңетін,
Игі істерге еретін.
Мен спортшы боламын,
Мәреге үздік келетін

Әлі де бар талдауым,
Әр салаға арнауым.
Аламын тек біреуін,
Нақты болып таңдауым!

Жібек Искакова