file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  Өлеңдер ✍️

  04.10.2023
  283


Автор: Гүлсім Сатыбалды

Шіркін есік

 


ШІРКІН ЕСІК..!
Келген соң, ұстап өмір тұтқасынан,
Мекенім болса дейміз құт қасынан.
Арманды жақсы көріп әрекетсіз…
Ренжиміз, жапқандай Күн, бұлт басынан.


Ермеміз, сынап сынды пікірі жоқ,
Құмармыз сөз бәйгеге, күпірі көп.
Жүргенде кердең қағып.
Бар жақсылық…,
Жойылып, жатыр жүйе үкімі боп!


Шіритін дүниені алға тартып,
Тізгінін ғұмырының, барға артып.
Кейбірі білмейді-ау, түбі келіп,
Боларын, бауырлардан, жанға артық!


Не үшін, жүрсің босқа сыр ағытып?
Шығарсың, алғандай жау, сірә ұтып.
Мақсаты, мақшарды бір сезбегенді,
Ұқсатам, ібіліске шырамытып!


Аспанда, көкіректер жүр тіресіп,
Жерінде тұлғалардың, күңкіл есіп!
Сырын да, сынағын да, қосып беріп,
Адамды, адам еткен шіркін есік!




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу