file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  Өлеңдер ✍️

  08.09.2023
  162


Автор: Шөмішбай Сариев

Өмірге өкпеміз жоқ

Өмірге өкпеміз жоқ,
өкпелемен,
Өмірге келгенім жоқ,
текке демен.
Жайқалды жапырақтар дәнімізден,
Өмірде өсіп шықты еккен емен.
Өмірге өкпеміз жоқ,
өкпе артпадық,
Самғады құстарымыз
көкке аттанып.
Шамымды жаға алады
туған ұрпақ,
Барымды бағалады
бекзат халық.
Өмірге өкпеміз жоқ,
өкпелемен,
Қарайды жұлдыз жайнап,
көктен әлем.
Жаныма жан шуағын
шашып жатты
Нұрларын Ай-Күнімен
төккен әлем.
Өмірде өкпелемен саған, жаным,
Іздеп ем сендей жанды таба алмадым.
Адасып көріп едім сені таптым,
Бір ғана өзінде екен бар арманым.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу