Өлеңдер ✍️

Қиды жанын,
Құйды қанын,
Нұр таңы үшін!
Көз жұмған жоқ өлімді қызық көріп,
Қоштасты олар!
Келер күн ұрпағы үшін,
Болашаққа өмірін үзіп беріп!
Қиядан ажал күткен қырандардай,
Шыңынан адалдықтың самғап өлді.
Мәңгілік алынбайтын ұрандардай,
Бүгін мен болашақты жалғап өлді.
Ажалға қарсы барды саспады да,
Елі үшін өлу деген ғұрып бар-ды.
Бірақ олар елінің аспанында,
Жұлдызы боп мәңгілік тұрып қалды.
Азаматқа елінің сенгені — сын,
Сол сенім жауды күл ғып жеңгені шын...
Батыр олар
Өлімнен қашып жүрмей,
Ажалды қуып жүріп өлгені үшін!