Өлеңдер ✍️

Зулайды күндер,
Тулайды жүрек бұлқынып.
Өзімде менің,
Көзімде менің мұң тұнып;
Қалады-ау жастық,
Барады-ау өмір ұмтылып.
Зулайды күндер,
Тулайды жүрек бұлқынып.
Зулайды күндер,
Тулайды жүрек аптығып.
Сезім боп уақыт,
Көзімнен бақыт жақты үміт.
Аңсарым ауған
Қарсы алып алдан бақ күліп,
Зулайды күндер,
Тулайды жүрек аптығып.
Зулайды күндер,
Тулайды жүрек алқынып.
Сенемін, өмір!
Келемін қайда шарқ ұрып?
Көп ізге карап,
Теңізді кештім малтығып.
Зулайды күндер,
Тулайды жүрек алқынып.
Бұл өмір болмас
Мұхитсыз, теңіз, көлсіз де.
Дүние қамас
Зулайды күндер
Күні ертең бірақ менсіз де
Зулайды күндер
Күндер ертең, достым,сенсіз де...