Өлеңдер ✍️

Болғанмен де өзі алтын, сөзі нұсқа,

Көсілуге кедейдің қолы қысқа.

Түн де қысқа, апыр-ау, сырласатын,

Екі ғашық ынтазар жолығысса.

Алды-артына қаратпай алып ұшса,

Тірлікке адам амалсыз бағынышта!

Уақыт қысқа кездесіп, шұрқырасар,

Адал достар бір-бірін сағынысса.

Сілтеуіңе қамшының сабы қысқа,

Сырласқанда табиғат таңы қысқа.

Ғұмыр – қысқа, күн – қысқа, қысқа – жастық,

Бұл өмірде әйтеуір, бәрі қысқа!

Шықты бірі,

Күндердің батты бірі,

Бірі сәтсіз болғанмен,

Сәтті бірі!

Сәтті күндер қып-қысқа!

Бұл өмірдің

Қысқалығы екен ғой тәттілігі!