Өлеңдер ✍️

Билеп,

Асыр салған күн

Қайтып енді келер ме?

Қапияда қамалдым

Аурухана дегенге.

Көрмегенім жөн еді

Өңім түгіл түсімде.

Бейне қозы көгені –

Өмір өзге ішінде.

Сүйенгендер балдаққа,

Таңылғандар арбаға,

Сау адам аз жан-жақта,

Мұң жүр, мұнда, анда да.

Көз тігіп ем аулаға,

Терезеге телміріп.

Аяқ-қолы сау бала,

Қарт боп маған келді Үміт.

Өмірге адам құштары-ай!

Терезенің ар жағын

Қос балдағымды ұстамай

Кезіп кетті арманым!