Өлеңдер ✍️

Айтса да емен «Мен сияқты тік тұр!»- деп,

Жапырағы құлап жатыр біртіндеп.

Жауған ақ қар еріп жасқа айналды,

Сол тамшыны ұмтыламын сүрткім кеп.

Бұтақтары, тамырлары дін аман,

Емен емес,

Жапырақтар құлаған.

Жауған қарды ерітіп ол жіберген,

Емен емес,

Жапырақтар жылаған.

Елемендер, мейлі оған, елеңдер,

Иілмейді дауылдарда емендер.

Жасып,

Сасып, көрсетпейді ол көз жасын,

Емендерді жыламайды демеңдер.

Жапырағы шулататын еменді,

Жапырағы жылататын еменді...