Өлеңдер ✍️

Ақ қайың – аппақ ақ мүсін,

Ағарып атқан таңдарым.

Ардақты махаббатпысың,

Армандарымды жалғадың.

Өзіңнен мұңды күй тыңдап,

Ойлаймын саған жат қой деп.

Кетті ме біреу сиқырлап,

Ару ма ең киген ақ көйлек?!

Домбырасы ма ең ақынның,

Ақиқат іздеп аһ ұрған.

Ақ найзасы ма ең батырдың,

Ар жолыңда атылған?!

Ақ тілегі ме ең ананың,

Айтылып, орындалмаған?

Пәк күлкісі ме ең баланың

Сұм соғыс оты жалмаған?!

Ардақтысысың адамның,

Болды екен саған кім ие?

Бұл жерге неге қадалдың,

Сұлулық –

Аппақ дүние?!