file loc phone login_m arrow_left arrow_right author ca cat compl coms del down fav fav_del fav_m fav_m_del fb gp left like login mail od reply right search sort sort_down sort_m sort_up tw up view vk ya

  Өлеңдер ✍️

  13.01.2023
  304


Автор: Есбол Бозан

Қара қыз

Көтеріліп қалады менің еңсем,


Кенеттен қара қыз сені көрсем!


 


Сен десе азынап тұрады ішім,


Неге екенін қара қыз ұғамысың?


 


Қызғаныш өз жүгін салар жанға,


Қимаймын сені бөгде жанарларға.


 


Ауыртпасын қызғаныш жанды неге,


Біреулер тартса сені әңгімеге?


 


Түсінбес іштегі назымды ешкім,


Кейіпкері тек өзің әрбір кештің.


 


Қарасын алдыңда көзім жерге,


Сені мен қызғанамын өзімнен де.


 


Демеймін алайда «қалдым сүйіп!»


Онсыз да көп тұстары жанның күйік.


 


Тек өзіңді сыйлаймын, бағалаймын,


Ғашықпын деп өзімді санамаймын.


 


Есбол БОЗАН


Шілде-Тамыз. 2022 жыл




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу