Өлеңдер ✍️

Шаршатты ма?
Өмір сізді жылусыз?
Бітпес қарыз, бітпес жан-жал тұңғиық.
Бүгін сізде, бақыт жүрсе, жұғымсыз,
Ұмытпаңыз, алда барын бір биік.

Шаршамаңыз.
Қисыны жоқ тірлікке,
Бұл өмір сын, жаныңызды егейтін.
Күрсінуде, болар түбі бір нүкте…
Кесел болсаң, бұл жалған да, өгей тым.

Жүдемеңіз.
Жымиыңыз жәй ғана,
Тек, сіз емес, таңдарына сыз батқан.
Жетіспеуден, келіспеумен айнала,
Күн өкпелеп, көңіліне мұз қатқан.

Ренжімеңіз,
Сіз тұлғасыз, бір айдын,
Жан дауыңды, жанарыңды жұбатқын.
Жазымышы, болар жалғыз құдайдың,
Төзім, мейір, кілті екен жұмақтың!

Қара да тұр!
Шешіліп күн шарасыз,
Таң қаласыз, орындалып, арман күн.
Ес жиыңыз, жүдеп, тозып барасыз,
Кектейтұғын, жетпейтұғын жалған бұл!