Өлеңдер ✍️

І
Дайын ұстар кебінін
Бір əкенің ұлы едік,
Бір жағымызға жүрген кезде
Гүл егіп,
Бір жағымыз өмір еді
Кəдімгі,
Қиялымыз шыққа талай
малынды.
Көрші бар-ды,
Ибрагим есімі,
Əрқашан да ашық еді есігі.
Үйімізде кітап бар-ды тағы да,
Соны оқушы ек
Барлығымыз жабыла.
Қонақ келсе
Қоржын толы дастанға,
Төбеміз сəл жетпеуші еді-ау
Аспанға.
Талай түнге
Жалықпаушы ек тыңдаудан,
Бақытты шақ,
Бал кездер-ай
Ұрланған!
ІІ
Қай жерлерге апармады мені өлең?
Жету бөлек, қайту бөлек көнеден.
Сіріңкенің қорабындай ғимарат,
Шаршаттың-ау сезімімді қинап-ақ.
Бірақ қанша сүрлігейін бас қатып,
Өлеңімнен болған емес басқа түк.