Өлеңдер ✍️

Бүгінде аспан бұлтты.
Жер бетімен жылы самал еседі.
Адам біткен болса егер үмітті,
Ал ақынға қайғы серік деседі.
Мұңлы əуенмен майда жауын жауады,
Бойжеткендер бұрымдарын өреді.
Ағаштар да, балалар да бұл күні
Кемі екі елі өсеріне сенеді.
Ақын жаны, ғашықтардың жүрегі
Тыншу білмес жалын болып лаулайды.
Ал мысықтар – шуақты күн тілегі,
Жаурап аққан бұлақтардан аумайды.
Ал мен болсам кезем қала көшесін
Көңіл-күйім жалғыздыққа қапалы.
Ақ жауыннан қайыратын есесін
Маған лайық қаңғыбастың атағы.
Жапырақтар үнсіз құлап жатады.