Өлеңдер ✍️

Түнде бір үн оятады ұйқымнан,
Жүректе үрей, айтшы енді, қайдасың?
Қаншама жыл іздедім ғой өзіңді,
Ғашығың мен, үн иесі, қайдасың?
Жүректі өртеп мылқау күндер жосылған,
Желге сіңсе үн, айырылармын қошымнан.
Кейде естіліп қалады да ол тосыннан,
Кейде айқайлап шақырады, қайдасың?
Сол тылсым үн, періштемдей сенгесін,
Жандүниемді сазды əуен боп тербесін.
Өзі еді ғой өмірімнің өзегі,
Тұңғиықтан бір күн маған кел десін.