Өлеңдер ✍️

Жерде – тұман,
Тауымда
Бұлтсыз күндер – тосын жай.
Қыркүйек пен мамырда
Ауа райы осындай.
О Айдерем, Айдерем,
Менің туған Айдерем!
Көріктісің күміс тау,
Алтын Күнің!
Айменен!
Теңіздейін теңбіл көк,
Терең шатқал,
Сайменен.
Кең қойнауды жағалай
Қалың тоғай,
Қарағай.
Өрік, жаңғақ,
Ақ терек,
Қарақат пен таңқурай.
Жасыл шалғын,
Сəн, көркем,
Раушан гүлді таулы өлкем.
Саған деген сағыныш,
Махаббатым жай демен.
Баурайыңда жүргенде
Мен өзімді бай көрем.
О Айдерем, Айдерем!
Менің алтын Айдерем!