Өлеңдер ✍️

(Шасенем Керимоваға)
Əн бір – ғажап дүние,
Өзге өлкелер, басқа əлем...
Жан бітіріп өліге,
Салады əнші тасқа дем.
Əн сиқырын айтуға
Тілім менің жетпес те.
Қуаныш – бал, қайғы – у ма,
Əннен асып кетпес те!
Шырқай түсші, өтінем,
Əнге тағзым етермін.
Сен əйелдің бетінен
Паранжысын көтердің.
Əлемнің тыңдап əн-күйін,
Қайғысын бірдей тарттым мен.
Жер шарының бар мұңын
Иығымызға арттың сен.
Қарындасым,
Жүрегін
Тебірентпес үнің қай жанның.
Əнмен шарлап əлемді,
Өзің де əнге айналдың!