03.10.2022
  198

Автор: Ертай Ашықбаев

ҚАРА ТҮН

Сыртқа шықтым,
сескендім,
Шақырайын ағамды.
Одан басқа не істермін?
Түн — қап-қара,
қараңғы.
Қара шашты сайтандар
Аңдып жүр ме адамды?
Балалар-ау, байқаңдар,
Түн — қап-қара,
қараңғы.
Сайтан мені тыңдай ма?
Қайтсін бестік бағамды.
Ағам, ағам жүр қайда?
Түн — қап-қара,
қараңғы.
Түн — қап-қара,
қараңғы,
Қорықтым мен.
Масқара!
Шақырайын ағамды.
... Білдірмейін басқаға.


  Түн Ертай Ашықбаев тақпақтары Ертай Ашықбаев

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  КҮЛГІН БҰЛТ ᐈ
  ҚҰЛА ҚҰМ ᐈ
  МӨЛДІР ШЫҚ ᐈ
  КҮМІС БУ ᐈ
  ЖЫЛАН НЕ ДЕП ЫСЫЛДАЙДЫ? ᐈ

Пікір жазу