Қоршаған орта және энергия ресурстары. Электр энергиясын үнемдеудің қарапайым жолдары.. Қазақ тілі, 8 сынып, қосымша ресурс. 6 сабақ.

Қалыптастырушы бағалауда қолданбалы әдіс

"Бақылау" әдісі

 "Бақылау" әдісін қолдануда мұғалім оқушының жұмыс барысындағы әрекетін сырттай бақылайды және қысқа жазбалар жазады. Жазба жүргізу кезінде оқыту барысы мен оқушының дамуына нақты назар аударылуы керек. Бақылау нәтижесінде мұғалім өз қызметін сараптайды және келесі сабақтарды жоспарлауда ескереді.

 Бақылау нәтижесін түртіп отыру үшін арнайы парақ, дәптер, блокнот қолдану керек. Ол жерде бақылау мақсатына қарай бөлімдер мен дескрипторлар жазылады. Жалпы бақылау парағының форматы мұғаліммен анықталады және қажеттілікке қарай өзгертіледі.

 Оқушыларды жүйелі бақылаудың нәтижесінде оқу үлгеріміне қатысты және жалпы өзгерістер туралы толық түсінік қалыптастыруға болады.