Кітапхана мен кітап маңызы. Қазақ тілі, 8 сынып, таратпа материал. 4 сабақ.

 Жазылым продуктивті дағдылар қатарына жатады. Продуктивті дағды - тілді қолданып сөйлеу немесе жазу. Жазылым хабарды қағаз бетіне түсіруді қамтамасыз етеді. Біз жазу арқылы коммуникацияға түсу үшін біз әріптер мен сөздерді пайдалана отырып, сөйлем құрай алуымыз керек, ал сөйлемдерді топтастыру арқылы біз өз ойымызды жеткізе аламыз.

 Оқу бағдарламасында жазылым бөлімінде эссенің бөлімдерін меңгеру (кіріспе, негізгі бөлім, қорытынды), мекен мен оқиғаны сипаттайтын не суреттейтін эссе жазу оқу мақсаттары қамтылды.

 Оқушыға эссе бөлімдерін жазуды үйрету үшін, ең алдымен, оқушыға абзац жазуды үйрету қажет.

 Абзац дегеніміз бір азат жолдан екінші азат жолға дейінгі күрделі синтаксистік тұтастықты білдіретін мәтін бөлігі.

Абзац жазудың негізгі шарттары:

 • Мәтіндер негізінен бірнеше абзацтан тұрады.

 • Бір абзацта бір ой толықтай ашып жазылады.

 • Әр абзац тақырыптық сөйлемнен, қолдаушы сөйлемнен және қорытынды сөйлемнен

 тұрады.

 • Тақырытық сөйлем – абзацтың негізгі идеясын көрсетеді.

 • Қолдаушы сөйлемдер – тақырыптық сөйлемдегі ойды ашатын сөйлемдер.

 • Қорытынды сөйлем – абзацтағы ойды қорытындылайтын сөйлем.

 • Ойды толықтыру үшін деректер мен мысалдарды да қосуға болады.

 • Абзац жаңа азат жолдан басталып жазылады.

Мысалы:

Абзацты жазуға негізделген сабақ үлгісі

1.1. Оқушыларға төмендегі мәтін ұсынылады.

 Сүт — адам организміне өте пайдалы сусындардың бірі. Құрамындағы кальций сүйектер мен тістердің дұрыс дамуына әсер етеді. Магний, калий, фосфор және натрий мөлшері басқа сусындармен салыстырғанда біршама жоғары. Цинк жыныс жолдарының ауруларының алдын алуға септігін тигізсе, йод қалқанша безінің жұмысын жақсартып, иммундық жүйеге әсер етеді. Майсыздандырылған сүт бірнеше диета түрінің негізі болып саналады. Себебі ол белоктар бай және аппетитті болдырмайтын қасиетке ие. Қорыта келе, сүт - адам денсаулығын нығайтатын бірден-бір қажетті тағам.

1.2. Мәтінді оқып шығып, төмендегі сұрақтарға жауап береді.

1. Абзацқа тақырып болатын сөйлемді тауып көр және астын сыз.

2. Тақырыптық ойды қолдаушы сөйлемдер тауып, астын сыз.

3. Келтірілген мысалдар немесе фактілер болатын сөйлемдер қайсы?

4. Қорытынды сөйлемді тауып, астын сыз!

1.3. Мұғалім нұсқасымен салыстырады.

 Сүт — адам организміне өте пайдалы сусындардың бірі. Құрамындағы кальций сүйектер мен тістердің дұрыс дамуына әсер етеді. Магний, калий, фосфор және натрий мөлшері басқа сусындармен салыстырғанда біршама жоғары. Цинк жыныс жолдарының ауруларының алдын алуға септігін тигізсе, йод қалқанша безінің жұмысын жақсартып, иммундық жүйеге әсер етеді. Майсыздандырылған сүт бірнеше диета түрінің негізі болып саналады. Себебі ол белоктар бай және аппетитті болдырмайтын қасиетке ие.

 Қорыта келе, сүт - адам денсаулығын нығайтатын бірден-бір қажетті тағам.

2. Ұсынылған тақырыптық сөйлемдерді қолдана отырып, бір абзац құрастырады.