Көшпенділер мәдениеті. Қазақ тілі, 7 сынып, сабақ жоспары.

Сабақ : қазақ тілі

Мектеп:

Күні :

Мұғалім:

Сынып: 7Т1

Қатыспағандар:

Бөлім атауы

Көшпенділер мәдениеті

Сабақтың тақырыбы:

Көшпенділер мәдениеті

Осы сабақ арқылы жүзеге асатын оқу мақсаттары:

7.Ж1. Әртүрлі жанрдағы мәтіндерді жазу үшін құрылымын ескере отырып, қарапайым жоспар құру.

Сабақ мақсаты:

Көшпенділер мәдениетіне қатысты жүйелі жоспар құра отырып, ұсынылған тапсырма жанрына сай жазба жұмыстарын орындау.

Ресурстар

Ғаламтор материалдары

Бағалау критерийлері:

Көшпенділер мәдениетіне қатысты жүйелі жоспар құра алады; жанрына сай жазба жұмыстарын орындайды және ойын еркін жеткізе алады.

Дескриптор

Жоспарды жүйелі құра алады;

Мәтінді жанрына сай жаза алады;

Жұмыс стиліне сай ойын еркін жеткізе алады.

Ойлау дағдыларының деңгейлері

Қолдану

Тілдік мақсаттар:

Күнделік – адам жанының айнасы, көсемсөз жанры, шығарма жанры, дискуссия

Құндылықтарды дарыту

Отансүйгіштікке, елжандылыққа, еңбексүйгіштікке тәрбиелеу

Пәнаралық байланыс

Әдебиет, тарих

АКТ қолдану дағдылары

Осы сабақ барысында оқушылар Рower Point бағдарламасынан тақырыпқа қатысты көрнекі құралдарды пайдаланып, интербелсенді тақтаны қолданады.

Жоспар

Жоспар бойынша орындалуы тиіс іс-әрекеттер

Сабақтың тақырыбы, мақсаты айтылады, кезекшімен жұмыс.

Оқушыларды 3-ке санату арқылы 3 топқа бөлу.

Жанрлар туралы анықтама бұрышы. Жанр түрлерін түсінуде мұғалім мен оқушы бірлесе жұмыс істейді.

Күнделік жанры: Француз жазушысы Жюль Ренар: «Күнделік – адам жанының айнасы» деген. Ал, surak-zhauap.kz сайтында Айдана есімді бойжеткен: «Күнделік-күнделікті өмірің! Әрбір адам өзіне күнде есеп беріп отырса, өмірде қателігі аз болады. Күнделік сенін сырласың, әрі досың.

Интервью жанры: көсемсөз жанры, журналистің бір не бірнеше адаммен қандай да бір өзекті мәселе төңірегінде сұхбат жүргізуі интервью барысында белгілі бір оқиғаның, құбылыстың мән-мазмұны маман әңгімелесушінің түсіндіруі, айтуы бойынша терең ашылады. Интервью жанры, негізінен, хабарламалы интервью және түсіндірмелі интервью болып екіге бөлінеді. 

Әңгіме жанры: оқиғаны қара сөзбен баяндайтын шағын көркем шығарма жанры.

Жазылым тапсырмасы:

Астана қаласында «Көшпенділер мәдениеті» атты көрме өтіп жатыр.

Тапсырма түрлері:

1-топ. Күнделік жазыңыз. Сіздер осы көрмені тамашалауға келген 7-сынып оқушыларысыздар. Мұғалім сіздерге көшпенділер өмірінен алған мәліметтеріңізді күнделікке түсіруді тапсырды. Сөз көлемі-120 сөз.

2-топ. Интервью жазыңыз. Сіз өзіңізді осы көрмеге келген журналист маманмын деп ойлаңыз. Сіздің сұхбат алушыңыз көрмеге келген 7-сынып оқушылары. Көшпелі өмірді насихаттаушы 7-сынып оқушылары мен тілшінің рөліне еніп, интервью жазыңыз. 120 сөз.

3-топ. Қиял-ғажайып әңгіме жазыңыз. Сіз «Уақыт машинасы» арқылы көшпенділер заманына тап болдыңыз. Сондағы әсеріңізді әңгімелеп жазыңыз. Сөз саны-120 сөз.

Тапсырма төменде көрсетілген қадамдар арқылы жүзеге асырылады.

1-қадам: жазылым жұмысына ең алдымен жоспар құрып алу.

2-қадам: сол жоспар негізінде жазылым жұмысын жасау.

Қалыптастырушы бағалау. Екі жұлдыз, бір тілек арқылы топтар бірін-бірі бағалайды.

Дифференциация. А деңгейіндегі оқушының жоспары жүйелі құрылған. Мәтін жанрына сай жазылған. В деңгейіндегі оқушы жоспарының құрылымында стилистикалық қателер кездеседі, мәтін жанрына сай. С деңгейіндегі оқушы жоспарында стилистикалық қателер бар, жанрдан ауытқыған.

Кері байланыс: «3-2-1» стратегиясы

Бүгінгі сабақтан алған 3 маңызды ақпарат;

Бүгінгі сабақта қиындық тудырған 2 аспекті;

Бүгінгі сабақта ұнаған 1 іс-әрекет.

Қосымша ақпарат

Қорытынды бағалау

Ең жақсы өткен екі нәрсе не (оқытуды да, оқуды да қатар қарастырыңыз)?

1:

2:

Қандай екі нәрсе сабақты жақсартар еді (оқытуды да, оқуды да қатар қарастырыңыз)?

1:

2:

Бұл сабақтан мен келесі сабағыма әсер ететін, сынып туралы немесе оқушылар жайында нені білдім?