Астананың тұрғындары. Қазақ тілі, 6 сынып, қосымша материал. 11 сабақ

 1-қосымша

 «Кейіпкердің Астананы жақсы көретінін қай тұстан байқауға болады?» деген сұраққа жауаптар:

• «Мама, қарашы, қандай әдемі қалада тұрамыз!»
• «Керуен» деген демалыс орны бар. Сауда-саттық және ойын-сауық орталығы.
• Сосын «Бәйтеректің» айналасында қыдырғанды ұнатамыз. Қаламызда саябақтар да көбейді. Тәуелсіздік көшесінен Абылай хан көшесіне дейін бірнеше саябақ ашылды. Серуендейтін жер көп!
• Шетелге Астананың фотолары бар ашықхаттар, кәдесыйларды ала барам.
• Сосын фотолар бойынша Астана туралы әңгімелеп берем.
• Осылайша шетелдік талантты балаларды Астананы көруге шақырып жүрмін.

 2-қосымша

 Рефлексия кезінде «Бес саусақ» әдісін ұйымдастыру бойынша мұғалімге әдістемелік көмек

 «Бес саусақ» әдісі оқушының бір-біріне бес саусақтай бірігуіне ықпал етеді.

 Балалар параққа алақандарын қойып, оны жиегімен қаламмен айналдырып өтеді. Осыдан соң олар сабақ туралы мынандай сұрақтарға жауап беріп, салынған саусақтарына жазады:

 1. «Бас бармақ» - басты мәселе. Бүгінгі сабақта ең құнды мәселе не болды?

 2. «Балалы үйрек» - бірлесу. Қалай жұмыс жасадым, кімге көмек бердім, кімді риза еттім?

 3. «Ортан терек» - ойлану. Мен бүгін қандай білім мен тәжірибе алдым?

 4. «Шылдыр шүмек» - шынайылық. Сабақтағы өз әрекетім ұнады ма? Неліктен?

 5. «Кішкентай бөбек» - көңіл-күй ахуалы. Мен сабақта өзімді қалай сезіндім?